Անվտանգության ինժեների օգնականն աջակցում է կազմակերպության աշխատանքային անվտանգության և բնապահպանական կառավարման համակարգերի արդյունավետ իրականացմանը՝ ապահովելով գործող կանոնակարգերի պահպանումը և մասնակցելով նոր գործընթացների մշակմանը։ Պաշտոնը ներառում է նաև շրջակա միջավայրի պահպանությանն ուղղված գործընթացների մշտադիտարկում և բարելավում։

Հիմնական պարտականություններ

• Աջակցել անվտանգության ինժեներին առօրյա աշխատանքներում
• Մասնակցել աշխատանքային անվտանգության և բնապահպանական գործընթացների կազմակերպմանը և վերահսկմանը
• Ներգրավվել ռիսկերի և շրջակա միջավայրի դրանց ներազդեցության գնահատման գործընթացներում
• Մասնակցել շրջակա միջավայրի վրա բացասական ազդեցությունների նվազեցման և կանխարգելման միջոցառումների մշակմանը
• Աջակցել թափոնների կառավարման, ռեսուրսների արդյունավետ օգտագործման և շրջակա միջավայրի պահպանության ծրագրերի իրականացմանը
• Մասնակցել համապատասխան ISO ստանդարտների (ISO 45001, 14001) ներդրման, փաստաթղթավորման, ընթացակարգերի մշակման և մշտադիտարկման աշխատանքներին
• Հետևել աշխատավայրում անվտանգության և բնապահպանական պահանջների պահպանմանը
• Մասնակցել ներքին և արտաքին աուդիտներին
• Վարել համապատասխան հաշվետվություններ, այդ թվում՝ բնապահպանական ցուցանիշների մոնիթորինգ
• Աջակցել աշխատակիցների աշխատանքային անվտանգության և բնապահպանական իրազեկման ու ուսուցման գործընթացներին
• Իրականացնել աշխատակիցների հրահանգավորումներ

Պահանջվող որակավորումներ

• Բարձրագույն կրթություն (տեխնիկական, բնապահպանական կամ հարակից ոլորտում)
• Համապատասխան աշխատանքային փորձը կդիտարկվի որպես առավելություն
• ISO 45001 և 14001 ստանդարտների վերաբերյալ գիտելիքները (կամ սովորելու պատրաստակամությունը) պարտադիր են
• Բնապահպանական նորմերի, թափոնների կառավարման և էկոլոգիական պահանջների վերաբերյալ գիտելիքները կդիտարկվեն որպես առավելություն
• Համակարգչային գիտելիքներ՝ Microsoft Office (Word, Excel, Outlook), 1C-ի իմացությունը կդիտվի որպես առավելություն
• Հայերենի գերազանց իմացություն, ռուսերեն և անգլերեն լեզուների իմացությունը կդիտվի որպես առավելություն
• Պատասխանատվության բարձր զգացում
• Ուշադրություն մանրուքներին
• Վերլուծական մտածողություն և խնդիրների լուծման հմտություններ
• Թիմում աշխատելու կարողություն
• Հաղորդակցման զարգացած հմտություններ
• Սթրեսակայունություն
• Վերջնաժամկետներին հետևելու ունակություն
• Նախաձեռնողականություն
• Սովորելու և մասնագիտական զարգացման պատրաստակամություն
• Բարեվարքություն (integrity) և ազնվություն

Պայմաններ և այլ դրույթներ

• Ընկերությունն աշխատակիցներին ապահովում է Երևան-Մասիս-Երևան անվճար տրանսպորտով: Ավտոբուսը Երևանից Մասիս հասնում է 15-20 րոպեում:
• Ընկերությունում աշխատելը տալիս է մի շարք արտոնություններ և առավելություններ, որոնց կարող եք ծանոթանալ ստորև։
• Ընկերությունը տալիս է մասնագիտական և կարիերային աճի հնարավորություն
• Հարցազրույցի հրավիրելու որոշումը կախված է դիմորդի կողմից վերոնշյալ պահանջներին համապատասխանելու աստիճանից:
• Բոլոր դիմորդների տվյալները պահպանվելու են տվյալների բազայում և հետագայում «Գրանդ Հոլդինգ»-ի որևէ Ընկերությունում առկա թափուր հաստիքի պարագայում կարող են դիտարկվել այդ հաստիքը լրացնելու համար։

Դիմելու ընթացակարգ

• Աշխատանքի հայտարարությանը կարող եք դիմել՝ սեղմելով «Դիմել աշխատանքի համար» կոճակը
• Ուշադրություն. աշխատանքի հայտարարությանը դիմելու համար Դուք պետք է գրանցված լինեք այս կայքում և դիմելու պահին մուտք եղած լինեք կայք
• Կայքում կարող եք գրանցվել էլեկտրոնային հասցեով
• Կխնդրենք ուշադիր լինել Ձեր էլեկտրոնային փոստին և Whatsapp-ին, որոնցով կարող եք տեղեկատվություն կամ հարցազրույցի հրավեր ստանալ
• Ուրախ կլինենք, եթե միանաք «Գրանդ Հոլդինգ»-ի ՄՌԿ թելեգրամյան ալիքին և հետևեք մեր նորություններին և թափուր հաստիքներին - https://t.me/grandholdinghr